Microsoft компанияси 60 минг нафар ходимга компенсация тўлаш шарти билан ихтиёрий равишда ишдан бўшашни таклиф қилди. Бу ҳақда Business Insider хабар берди.
Дастур АҚШ, Канада, Буюк Британия ва Ҳиндистондаги ходимларга тааллуқли бўлиб, муҳандислар ва юқори бўғин раҳбарлари бундан мустасно. Ушбу таклиф қамровига тушган ходимлар ишдан бўшаш бўйича қарорни декабр ойи бошига қадар қабул қилишлари лозим.
Қайт этилишича, Microsoft’да 2026 йил июн ҳолатига кўра 223 минг киши фаолият юритади. 60 минг киши компания умумий ишчиларининг қарийб тўртдан бир қисмини ташкил этади.
Business Insider’нинг қайд этилишича, сунъий интеллект инфратузилмасига йўналтирилаётган йирик инвестициялар фонида компания харажатларни камайтириш йўлларини изламоқда.
