Putin: Men hech qachon o‘zgarmaganman

Rossiya prezidenti Vladimir Putin Germaniyaning Bild nashriga bergan intervyusi chog‘ida, oxirgi o‘n besh yil yil davomida uning qarashlari o‘zgarmaganini ta'kidlab o‘tdi.

Jurnalistlar Putinning ikkita davrdagi ikki turfa xil odam sifatida ta'riflab, 2007 yilgacha yosh va muloqotlar uchun ochiq bo‘lgan Putin va hozirgi kungacha bo‘lgan Putin borasida undan so‘rashgan.

«Men hech qachon o‘zgarmaganman. Birinchidan, hozir ham o‘zimni navqiron his qilmoqdaman. Men Shryoderning do‘sti edim va hozir ham Shryoderning do‘sti bo‘lib qolganman. Hech narsa o‘zgarmagan», — qayd etib o‘tgan Putin.

Prezidentning so‘zlariga ko‘ra, mazkur yillar davomida turli siyosiy muammolarga uning munosabati o‘zgarmay qolgan.