9 may - Xotira va qadrlash kuni munosabati bilan tashabbuskor talaba yoshlar maxsus aksiyalar o‘tkazishmoqda. Aktsiya doirasida Ikkinchi jahon urushi qatnashchilari, mehnat faxriylari va aholining keksa vakillari holidan xabar olinmoqda.
Toshkentdagi Xalqaro Vestminster universiteti talabalari hamda Salom Media ijodkorlari Xotira va qadrlash kuni munosabati bilan Ikkinchi jahon urushi ishtirokchilari bo‘lgan faxriylarni ziyorat qilishib, ular bilan uchrashuvlardan video-sahifa tayyorlashdi.
Davomiyligi 4 daqiqaga yaqin bo‘lgan videolavhada faxriylarning xotiralari tinglanadi, faxriylar urushni qoralab, yurtga tinchlik va osmon musaffo bo‘lishini tilashgan.
