Britaniyada Brexit tufayli inqiroz byudjyeti tashkil etiladimi?

Buyuk Britaniya yangi moliya vaziri Filipp Xemmondning ma'lum qilishicha, mamlakatning yangi hukumati Birlashgan Qirollikning YeI tarkibidan chiqishi sababli inqiroz byudjyetini ishlab chiqmaydi. Ammo, ushbu masala bo‘yicha yakuniy hisobot kuz mavsumida e'lon qilinadi, deb yozmoqda The Guardian.

Nashrning qayd etishicha, bu sobiq moliya vaziri Jordj Osborn fikriga ziddir. U, referendum sabab davlat byudjyetini qayta shakllantirish lozimligini ta'kidlab kelar edi. Osborn shuningdek, byujyetni to‘ldirish uchun soliqlarni 2,5 mlrd funtga ko‘paytirish lozimligini qayd etgandi. 

«Bosh vazir o‘zining birinchi ish kunidayoq, yangi hukumat oddiy tartibda faoliyatini davom ettirishini va kuzatuvimiz haqida avvalgidek kuzda hisobot taqdim etishimizni bildirdi», — degan  Xemmond o‘zining moliya vaziri lavozimidagi ilk matbuot anjumanida. U, shuningdek, Angliya banki rahbari bilan uchrashishini bildirgan. 

Xemmonddan avvalgi moliya vaziri, referendum natijalari sababli, Britaniya fuqarolari uchun soliqlarning ortishi hamda yrik xorijiy kompaniyalar va sarmoyadorlarni jalb etish maqsadida korporativ soliqlar kamaytirilishini bildirgan edi.