Nitstsadagi yuk mashinasi odamlar ustiga bostirib borishi orqali sodir etilgan terakt videosi paydo bo‘ldi

Internetga Fransiyaning Nitstsa shahridagi Ingliz sohilida odamlarni bosib ketgan yuk mashinasining videoroligi joylashtirildi.

15 soniyali videorolikdan shuni ko‘rish mumkinki, yuk mashinasi odamlar ustiga katta tezlikda bosib borgan, qichqiriqlar eshitilgan.

Bastiliya olinishi kuniga bag‘ishlab o‘tkazilgan bayramda Nitstsadagi Ingliz sohilida soatiga 60-70 km tezlikda ketayotgan yuk mashinasi olomon ustiga yuradi. Shahar ma'muriyati mazkur holatni terakt deya baholadi.

So‘nggi ma'lumotlarga ko‘ra, terakt natijasida 80 kishi halok bo‘lgan, 100 dan ortiq kishi jarohatlangan. Yuk mashina haydovchisi politsiya tomonidan yo‘q qilingan.