Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
ЕЧЛ саралашида кун қаҳрамони. Албаниялик дарвозабон "Паненка услуби"да гол уриб, 3та пенальтини қайтарди
11:46 / 22.07.2016
13657

Европа чемпионлар лигасининг саралаш босқичи доирасидаги ўйинлардан бирида мухлислар ҳақиқий шоу гувоҳига айланишди.

Албаниянинг «Партизан» клуби дарвозабони ЕЧЛ саралаш босқичи доирасида Венгриянинг «Ференцварош» жамоасига қарши ўйинда спектакль қаҳрамонига айланди.

Жамоаларнинг биринчи ўйинида ҳисоб 1:1 бўлган, жавоб учрашувининг асосий вақтида ҳам шундай ҳисобдаги дуранг натижа қайд этилган. Қўшимча бўлимларда вазият ўзгармагач, пенальтилар серияси бошланган. Иккинчи учрашувда меҳмон жамоа бўлган албанлар жамоаси дарвозабони сериядаги илк зарбани "Паненка услуби"да ижро этган.

Шундан сўнг у дарвозага турган ва рақибларнинг 3 футболчиси йўллаган зарбани тўсган.

Биринчи бўлиб у Венгрия терма жамоаси сафида Европа чемпионатида иштирок этиб қайтган, тажрибали футболчи Золтан Геранинг зарбасини бартараф этган.

Унинг қаҳрамонлиги эвазига жамоа кейинги босқичга йўл олди.


Улашинг
Top