Amerikaning Kaliforniya shtati Uber'dan mehnat qonunchiligini buzganligi uchun 1 milliard dollardan ortiq tovon puli undirishni talab qilib, federal sudyaga murojaat qildi. Bu haqida Bloomberg xabar berdi.
Kaliforniya mehnat va xodimlarni tayyorlash xizmati taksi haydovchilari foydasiga 100 million dollar undirish ishini ko‘rib chiqayotgan federal sudga ana shunday murojaat bilan chiqdi.
Bundan avval Amerikaning ikkita shtatidagi taksi haydovchilari - haydovchilik maqomi to‘g‘risidagi jamoaviy shikoyat xatiga ko‘ra, onlayn-servisdan 852 million dollar undirmoqchi ekanligi haqida xabar qilingan.
Taksi haydovchilari ularni shtat haydovchilari deb tan olish hamda yetti yillik jarima to‘lashni, shuningdek avtomobilning shu yillar ichidagi texnik xarajatlarini qoplashni talab qilishgan. Uber kompaniyasi esa haydovchilarning bunday haq-huquqlari yo‘qligini ma'lum qildi.
Uber onlayn-servisi dunyoning yuzdan ortiq shaharlarida mobil telefon orqali taksi buyurtma qilish imkonini beradi.
