Kinorejissyor Frensis Koppolla LG OLED TV haqidagi taassurotlari bilan o‘rtoqlashadi
Kinorejissyor Frensis Ford Koppola to‘q rangli, belgili tasvirlar haqida yaxshi ma'lumotga ega. Kinoteatrlarda original Technicolor uskunalari yetishmayotgan bir vaqtda OLED televizorlari tim qora kinematografik sahnalar uchun ayni muddao.
Bu OLED’ga bo‘lgan qiziqishi LG kompaniyasining spikeriga aylantirgan 77 yoshli rejissyor mazkur texnologiyaga oid fikrlari bilan o‘rtoqlashdi. LG – bunday yuqori sifatli ekranga ega televizorlarni yaratuvchi yagona ishlab chiqaruvchi.
«Men uchun – bu yorqin, haqqoniy va tiniq tasvirlarning tiklanishi. Mazkur texnologiya tufayli qora rangdan boshlab to oq ranggacha ranglar spektri nazorat ostida bo‘ladi», - dedi u USA Today nashriga bergan intervyusida.
Koppolaning «Don Karleone», «Cho‘qintirgan ota» filmlari to‘q rangli sahnalarga boy. «Apokalipsis hozir» filmida Martin Shin (kapitan Uillard rolida) daryodagi tim qora suvdan chiqib keladi. Brem Stokerning «Drakula»sida esa ajin bosgan qonxo‘r vampir (Geri Oldman) britva lezviyasidan qip-qizil qonni yalaydi.
Koppolaning aytishicha, «Cho‘qintirgan ota» filmi ssenariynavisi – «Zulmat shahzodasi» laqabini olgan Gordon Uillis «filmning to‘q ranglarda olinishi borasida tavakkalga qo‘l urgan». «U filmni shunday tasvirga olganki, kadrlar deyarli ekspozitsiyasiz bo‘lgan, lekin u ishining uddasidan chiqib, ularni juda chiroyli suratga olishga muvaffaq bo‘lgan. Filmni LG’ning OLED televizorlari ekranida tomosha qilsangiz, Siz haqiqatdan ham yorqin qora tuslarni qora fonda ko‘rasiz».
Agar OLED’ga mehr qo‘ygan bo‘lsangiz, u holda faqat LG Sizlarga bunday imkoniyatni tuhfa qiladi. Biroq OLED displeylarini ishlab chiqarish katta xarajat talab qiladi. Raqobat yo‘q bo‘lgan hollarda OLED displeyning narxlari nisbatan keng tarqalgan LCD displeylardan ancha yuqori bo‘ladi. Boshqa ishlab chiqaruvchilar ham bozorga OLED displeylarni olib chiqishni rejalashtirishgan, lekin uni amalga oshirishmagan.
Ular USA Today’ga bergan intervyularida tadqiqot o‘tkazishda davom etishayotgani va televizion ekran texnologiyalari borasidagi yangi imkoniyatlar uchun ochiq ekanliklarini ma'lum qilishgan. Ularning bildirishicha, noorganik kvant nuqtali panellar iste'molchilar uchun eng yaxshi tanlov hisoblanadi.
Koppola olti yil avval Hollivud kinostudiyasidagi yozuv stolining ustida kichik OLED displeyini ko‘rib qolganidan buyon LG kompaniyasi nomidan matbuot-konferensiyasi o‘tkazib, o‘zining taassurotlari bilan bo‘lishadi. “Harakatlanishini hisobga olmaganda, bu mohirona chop qilingan suratdek ko‘rinardi”, - dedi u.
