Dubay va Fujayra orasi 10 daqiqa: Hyperloop ikki amirlikni birlashtiradi

  Dubai Future Foundation fondi Kelajak Hamkorlik Dasturi doirasida xalqaro tanlov e'lon qildi. Unda 100 nafar olim, muhandis va texnik xodimlar Hyperloop stansiyasini barpo etish uchun 48 soat hamkorlik qilishadi. 6 jamoa hakamlar hay'atiga o‘z loyihasini baholash uchun taqdim qiladi. Hyperloop orqali Dubaydan Fujayraga 10 daqiqada yetib olish mumkin bo‘ladi (bugungi kunda bu yo‘nalishni mashinada bosib o‘tish uchun 90 daqiqa ketadi).

  Hyperloop texnologiyasi Nyu-York va Pekin orasidagi masofani atigi 2 soatda bosib o‘tishga qodir. Ilon Mask bunday g‘oyani 2013 yilda taklif qilgan va boshqalar bu ishni davom ettira olishlari uchun ilmiy jamiyatini tuzgan. 

  Vasiylik kengashi raisi o‘rinbosari va Dubai Future Foundation boshqaruvchi direktori Muhammad Al-Jarjoviy bu borada shunday deydi:  "A'lo hazratlari Shayx Muhammad bin Rashid Al-Maktum Dubayni insoniyatga bog‘liq kelajak rejalari birgalikda amalga oshiriladigan global platformaga aylantirish niyatidalar. Ushbu ko‘rik-tanlov transport sektorida innovatsion g‘oyalarni o‘rganish uchun ajoyib imkoniyatdir".

Jarjoviyning so‘zlariga ko‘ra, bu oxir-oqibat global iqtisodiy o‘sishga olib keladi.