Rio-2016, o‘ninchi kun bellashuvlari. O‘zbekiston delegatsiyasi yana medal kutmoqda

Milliy olimpiya qo‘mitasi Braziliyada bo‘lib o‘tayotgan XXXI yozgi Olimpiya o‘yinlarining 16 avgustdagi chiqishlari jadvalini e'lon qildi (Toshkent vaqti bilan ko‘rsatilgan).

Kanoeda eshkak eshish

O‘zbekiston sportchisi Gerasim Kochnev kanoeda eshkak eshish bo‘yicha final bahslariga kirishadi. Bellashuv Toshkent vaqti bilan 17:08da bo‘lib o‘tadi.

Baydarkada eshkak eshish

O‘zbekistonlik yana bir sportchi Aleksey Mochalov baydarkada eshkak eshish bo‘yicha 9-16-o‘rinlar uchun bahs olib boradi. Bellashuv Toshkent vaqti bilan 18:12da bo‘lib o‘tadi.

Yengil atletika

O‘zbekistonlik yengil atletikachi Valentina Kibalnikova 100 metrga to‘siqlar osha yugurishning saralash bahslarida ishtirok etadi. Uning ishtirokidagi bahslar Toshkent vaqti bilan 19:40da bo‘lib o‘tadi. Bundan tashqari, o‘zbekistonlik yana bir yengil atletikachi Yuliya Tarasova uzoqlikka sakrash bahslarining saralashida ishtirok etadi. Bellashuv Toshkent vaqti bilan 05:05da bo‘lib o‘tadi.

Og‘ir atletika

O‘zbekistonlik ikki nafar og‘ir atletikachi Sardorbek Do‘stmurodov va Rustam Jangibayev Rio Olimpiadasining og‘ir atletika bahslariga kirishishadi. Bellashuvlar Toshkent vaqti bilan 23:30da o‘tkaziladi.

Boks

Rio Olimpiadasida zafarli yurish qilayotgan O‘zbekiston bokschilarining chorak final bahslari bugun o‘tkaziladi. Unga ko‘ra, Fazliddin G‘oibnazarov 64 kilogrammgacha vazn toifasida AQShlik bokschi Rassel Gray bilan uchrashadi. Bellashuv Toshkent vaqti bilan 20:15da o‘tkaziladi. Murodjon Ahmadaliyev esa 56 kilogrammgacha bo‘lgan vazn toifasida argentinalik sportchi Melian Ezikel bilan ringga ko‘tariladi. Bellashuv Toshkent vaqti bilan 01:45da bo‘lib o‘tadi. Yana bir o‘zbekistonlik bokschi Bahodir Jalolov (+91 ) Buyuk Britaniya vakili Jozef Joys bilan kuch sinashadi. Bahs Toshkent vaqti bilan 02:45da o‘tkaziladi.