Belgiyada olimpiyachilarni kutib olishga ruxsat berilmadi

Belgiyalik muxlislarga Belgiya olimpiya terma jamoasini Bryussel xalqaro aeroportida kutib olish uchun chiqishga ruxsat berilmadi. Soir nashrining yozishicha, hukumat xavfsizlik choralari zarurati tufayli shunday qaror qabul qilgan.

Manba ma'lumotiga ko‘ra, aeroportga olimpiyachilarni kutib olish uchun faqat ularning oila a'zolari chiqishiga ruxsat berilgan.

Belgiya delegatsiyasi Rio-de-Janeyrodagi Olimpiadada 2ta oltin, 2ta kumush va 2ta bronza medal olib, umumiy reytingda 35-o‘rinni egalladi.

Bryussel xalqaro aeroportida 22 mart kuni tongida 2ta portlash sodir etilgandi. Uchinchi portlash esa metroning "Malbek" bekatida ro‘y berdi. Bu teraktlar oqibatida 32 kishi halok bo‘lib, 340 kishi turli darajadagi tan jarohatlari oldi. Ulardan biri hozirgacha shifoxonada qolmoqda. Bu terakt uchun javobgarlikni IShID o‘z zimmasiga olgan.