Indoneziya prezidenti Xitoyda bo‘lib o‘tadigan G20 sammitida ishtirok etadi

Foto: RIA

Indoneziya prezidenti Joko Vidodo shu yil 4-5 sentabr kunlari Xitoyning Xanchjou shahrida bo‘lib o‘tadigan "Katta yigirmalik" (G20) davlatlarining sammitida ishtirok etadi. Bu haqda ANTARA agentligi xabar qilmoqda.

"Davlat rahbari 2-sentabr kuni XXR raisi Si Tszinpin bilan muzokaralar o‘tkazadi", - deya Indoneziya TIV bayonotidan iqtibos keltiradi ANTARA.

"Indoneziyaning sammitda ishtirok etishi, uning mintaqadagi muhim davlatlardan biri ekanini isbotlaydi", - degan mamlakat TIV.

Ikki davlat rahbarlarining muloqotida "ko‘plab masalalar, jumladan xavfsizlik muammolari, savdo-iqtisodiy, sarmoyaviy hamkorlikni kengaytirish bo‘yicha fikr almashiladi".