Hindistonlik erkin kurashchi rossiyalik Kuduxovning London–2012 Olimpiadasidagi kumush medalini olishni istamadi

Hindistonlik erkin kurashchi Yogeshvar Datt doping test natijalari ijobiy chiqqan va London–2012 Olimpiadasida qo‘lga kiritgan kumush medalidan mahrum etilishi aytilayotgan rossiyalik marhum sportchi Besik Kuduxovning medalni olishni istamadi va sovrin Kuduxovning yaqinlarida qolishi kerakligini ta'kidladi. Bu haqda u o‘z tvitterida yozgan.

U Kuduxov ajoyib kurashchi bo‘lganini aytib, unga bo‘lgan hurmatini izhor etgan.

Bu masala qanday yechim topishi hali noaniq. Olimpiya qoidalariga ko‘ra, medaldan mahrum qilingan sportchi uni qaytarishni istamasa, qabul qilib oluvchiga uning dublikati beriladi.

4 karra jahon chempioni bo‘lmish Besik Kuduxov 2013 yilning 29 dekabrida, Armavir yaqinida, 27 yoshida avtohalokat tufayli vafot etgan.

Biroz oldinroq uning London–2012 Olimpiadasida olingan doping namunasi ijobiy chiqqani va u kumush medalidan mahrum qilinishi ma'lum bo‘lgandi.

Shu bilan bir vaqtda Rossiya sport kurashlari federatsiyasi prezidenti Mixail Mamaiashvili bu holat bo‘yicha rasmiy ogohlantirish kelib tushmaganini ma'lum qilgan.