Imomali Rahmon: «Islom Karimov bir davrning tabiatini belgilab berdi»

Tojikiston prezidenti Imomali Rahmon qardosh o‘zbek xalqiga hamdardlik bildirib telegramma yo‘lladi. Bu haqda prezident saytida ma'lum qilingan.

«Tojikistonda qardosh o‘zbek xalqining ulkan yo‘qotishi - hurmatli Islom Abdug‘aniyevich Karimovning vafoti haqidagi xabar chuqur qayg‘u bilan kutib olindi», — deya qayd etilgan ta'ziyanomada.

«Islom Abdug‘aniyevich O‘zbekiston tarixiga yetakchi davlat arbobi sifatida kirdi, u mustaqillikka erishgan mamlakatning taraqqiyoti davri mazmun-mohiyatini belgilab berdi. Donishmandligi va uzoqni ko‘ra bilishi bilan u mamlakat tashqarisida ham keng miqyosli siyosatchi sifatida obro‘-e'tiborga ega bo‘lgandi. Uning yorqin xotirasi hamisha qalbimizda bo‘ladi», deyilgan telegrammada.

«Bu qayg‘uli soatlarda biz qardosh o‘zbek xalqiga, Islom Abdug‘aniyevichning barcha qarindoshlari hamda yaqinlariga chuqur  hamdarlik bildiramiz», — deyilgan ta'ziyanomada.

Tojikiston rahbari boshchiligidagi delegatsiya dafn marosimida ishtirok etish uchun Samarqandga yo‘l oladi.