Xalqaro tadqiqotlar Kaliforniya instituti mutaxassisi Jyeffri Lyuisning aytishicha, seysmologik xizmatlar ma'lumotlariga ko‘ra, Shimoliy Koreya quvvati 20 kilotonnadan 30 kilotonnagacha bo‘lgan yadroviy qurilmani sinagan bo‘lishi mumkin, deb xabar bermoqda Reuters axborot agentligi.
"Bu Shimoliy Koreya o‘tkazgan eng yirik yadroviy sinov bo‘lishi mumkin, 20-30 kilotonna, undan kam emas", deb aytdi Lyuis.
Avvalroq AQSh geologik xizmati Shimoliy Koreyada Pangiri yadroviy poligoni hududida zilzila emas, balki portlash yuz bergan bo‘lishi mumkinligini ma'lum qilgandi.
Shu bilan birga, Janubiy Koreya xavfsizlik bo‘yicha milliy qo‘mitaning favqulodda yig‘ilishini o‘tkazish niyatidaligini ma'lum qilgan.
