Lamborghini elektr giperkar yaratadi

Lamborghini kompaniyasi Vitola deb nomlanadigan elektr giperkar yaratish ustida ish olib bormoqda. Bu haqda AutoBild nashri xabar bermoqda. 

Yangi model J1 modul shassisida quriladi. Shassi esa o‘z navbatida Porsche Mission E elektrokarining seriyali versiyasi negizida yaratiladi. Bu elektrokardan Lamborghini giperkariga batareyalarni tez quvvatlash tizimi tegadi. Lamborghini Vitola joyidan 100 km/soat tezlikkacha 2,5 soniyada tezlasha oladi, maksimal tezligi esa soatiga 300 km dan oshadi.

Taxmin qilinishicha, giperkar cheklangan miqdorda ishlab chiqariladi. Lamborghini Vitola paydo bo‘ladigan muddat hozircha ma'lum qilinmayapti. 

Porsche Mission E elektr sportkari 2020 yilda seriyali tarzda ishlab chiqarila boshlanadi. Mashinaning 2015 yil kuzida ilk bor namoyish qilingan prototipi umumiy quvvati 600 ot kuchidan yuqori bo‘lgan ikkita elektromotor bilan jihozlangan. Kontsept-kar 100 km/soat tezlikka 3,5 soniyada erisha oladi, 200 km/soat tezlikkacha tezlashishi uchun 12 soniya kerak bo‘ladi.

Prototip uchun 800-voltli akkumulyatorni quvvatlash tizimi maxsus yaratilgan, u akkumulyator zaxirasini 15 daqiqada 80 foizga to‘lg‘iza oladi.