АҚШ Сурияда Россия билан ҳамкорликни йўлга қўйиш имкониятларини кўриб чиқмоқчи
09:14 / 20.09.2016
3975

АҚШ Ҳалабда БМТ конвойи ўққа тутилишидан кейин Суриядаги вазиятни барқарорлаштириш масаласида Россия билан ҳамкорлик қилиш масаласини кўриб чиқмоқчи. Бу ҳақда РИА Новости агентлиги АҚШ Давлат департаменти вакили Жон Кирбига асосланиб хабар берган.

"Қўшма штатлар Россия билан музокараларда бу масалани ўртага ташлайди. Ўт очишни тўхтатиш тартиби бузилганини ҳисобга олган ҳолда, биз Россия билан муносабатларимиз истиқболларини кўриб чиқамиз", деган у.

Бундан олдинроқ, Ҳалаб вилояти ҳудудида БМТнинг инсонпарварлик ёрдами олиб кетаётган конвойи ўққа тутилгани, натижада карвондаги 31 автомобилдан 18таси зарарлангани ҳақида хабар берилганди.


Улашинг
Top