Xitoyda birinchi gen banki ochilmoqda

Xitoyning Guandun viloyati Shenchjen shahrida birinchi milliy gen banki faoliyatini boshlaydi. Bu haqda, "Xuantsyu tsibao" nashri yozmoqda. Hozircha, ushbu markaz maydoni 47,5 ming kv.m.ni tashkil etadi. Bu yerda, irsiy ma'lumotlar bazasi va biologik namunalar omborxonasi joylashgan. 

Biroq, mutaxassislar gen bankini kengaytirib, omborxonalarni kattalashtirishni rejalashtirishmoqda. 

"Biz, Xitoy va balki butun dunyodagi eng yirik bioma'lumotlar markazini tashkil etmoqchimiz. U, tirik tabiatga oid ma'lumotlarni qayta ishlash bo‘yicha Google kompaniyasining o‘xshashi bo‘ladi", - deya bayonot bergan "Xuada" Genomika instituti direktori Syuy Syun. 

Hozirda, Shenchjen gen bankida 10 mlnga yaqin biomateriallar namunalari to‘plangan bo‘lib, u 60 petabayt axborotni saqlay oladi. Keyinchalik, uning hajmini 500 petabaytgacha yetkazish rejalashtirilgan.