Moskvaning sobiq meri Lujkov Putin tomonidan orden bilan taqdirlandi

Moskvaning sobiq meri Yuriy Lujkov Rossiya prezidenti Vladimir Putin tomonidan IV darajali "Vatan oldidagi xizmatlari uchun" ordeni bilan taqdirlandi. 

"Faol jamoatchilik faoliyati uchun Lujkov Yuriy Mixaylovich IV darajali "Vatan oldidagi xizmatlari uchun ordeni" bilan taqdirlansin", deyilgan Putin farmonida.

Yuriy Lujkov Moskva meri lavozimini 1992 yildan 2010 yilgacha egallagan. U o‘shandagi prezident Dmitriy Medvedev tomonidan "ishonchni yo‘qotgani sababli" o‘z lavozimidan bo‘shatilgan edi.