BSST: 92 foiz inson ifloslangan havodan nafas oladi

Butunjahon sog‘liqni saqlash tashkiloti o‘tkazgan tajriba natijasida sayyoramizning 92 foiz aholisi ifloslangan havodan nafas olishi ma'lum bo‘ldi.

«Havoning ifloslanishi iqtisodiyot holati va insonlar turmush sifatiga ta'sir ko‘rsatgan holda tahdidli ko‘rinishda o‘sib bormoqda. Bu sog‘liqni saqlash uchun favqulodda holat», — deyiladi BSST ma'ruzasida.

Nafaqat Xitoy va Hindistonda, balki ko‘plab Yevropa mamlakatlarida havoning tarkibida zararli zarrachalarning mavjudligi BSST standartlariga to‘g‘ri kelmaydi.

Tashkilot ma'lumotiga muvofiq, Yer aholisining 80 foizidan ko‘p qismi haddan ziyod ifloslangan hududlarda istiqomat qiladi. Bu esa BSSTda muqobil holat chegarasidan chiqish hisoblanadi.