Ispaniya janubidagi Veles-Malaga shahridagi kafelardan birida gaz balloni portlashi oqibatida kamida 77 kishi jarohat oldi. Bu haqda Andalusiya viloyati favqulodda xizmatlari vakiliga iqtibos keltirgan holda Reuters axborot agentligi xabar bermoqda.
Portlash La Bohemia deb nomlangan kafeda 1 oktabrda kechga yaqin yuz bergan, deb xabar bermoqda La Opinion de Malaga. Barcha jabrlanuvchilar shahar shifoxonalariga yetkazilgan. 20 kishi tibbiy yordam ko‘rsatilgach qo‘yib yuborilgan, 4 kishi jiddiy jarohat olgan. Ko‘pchilik jarblanuvchilarda kesik va lat yeyish jarohatlari qayd qilingan.
