09:44 / 11.10.2016
11360

Marsda hayot uchun joy borligi aniqlandi

Foto: NASA

Marsning shimoliy yarim sharidagi Deuteronilus Mensae hududi insonlarning birinchi ekspeditsiyasi uchun mos keluvchi joy bo‘lishi mumkin. Sababi, u yerda katta miqdorda suv muzliklari mavjud. Tadqiqotchilar ishonib aytishicha, aynan shu hududda  o‘zga sayyoraliklar hayotini kashf etish mumkin. Bu haqda xabar qilmoqda.

Olimlar tomonidan aniqlangan mintaqaning radiusi 100 kilometrga yaqin bo‘lib, u Utopiya va Xris tekisliklari orasida joylashgan. Hududning aniq koordinatalari — 39,1 daraja shimoliy kenglik va 23,1 daraja sharqiy  uzunlik.

Dunyoning yetakchi fazoviy agentliklari avvalari juda ko‘p marotaba Marsga ekspeditsiya jo‘natish rejasi haqida ma'lum qilishgan. Jumladan, NASA  astronavtlarni mazkur sayyoraga 2030 yillardan joylashtirishni rejalashtirgan.  Amerikaning xususiy SpaceX kompaniyasi Marsga o‘z missiyasini 2024 yilda yuborish niyatida.

29 sentabr kuni AQShlik tadqiqotchilar Journal of Geophysical Research: Planets nashrida Mars platosi Tavmasiyani tirik organizm uchun eng munosib joy deb atashdi. 

Mavzuga oid
Top