Qoʻshimcha funksionallar
-
Tungi ko‘rinish
Rossiya va AQSh Suriya bo‘yicha muzokaralarni qayta boshlaydi
Foto: Reuters
AQSh va Rossiya Suriya inqiroziga barham berish bo‘yicha shu oyning boshida to‘xtatilgan muzokaralarni qayta boshlashi xususida ma'lum qilishdi.
Muzokaralar 9 kun avval Suriyada sulhga erishib bo‘lmagani uchun ikki mamlakat o‘rtasidagi qarama-qarshilik keskinlashgani sababli Vashington tashabbusi bilan to‘xtagan edi.
Biroq, ma'lum bo‘lishicha, Rossiya tashqi ishlar vaziri Sergey Lavrov AQSh davlat kotibi Jon Kerri va mintaqadagi yetakchi davlatlar vakillari bilan shu hafta shanba kuni, 15 oktabrda Shveytsariyada uchrashadi.
Bu haqda, Halab uzra havo zarbalarini berish qayta boshlanganidan ikki kun o‘tgach, e'lon qilindi.
Davlat departamenti bayonotida aytilishicha, Jon Kerri Suriya inqirozini bartaraf etish uchun ko‘ptomonlama yondashuvni muhokama etadi.
Lozannadagi uchrashuvda Saudiya Arabistoni, Turkiya va Eron vakillari ham ishtirok etishi kutilayapti.
Mavzuga oid
16:56
AQSh saylovlarida respublikachilar Kongressda ko‘pchilikni qo‘lga kiritdi
15:46
“Abadiy ximikatlar” yoshlarda buyrak shikastlanishiga olib kelishi mumkin - tadqiqot
15:42
Rossiyadan Venesuelagacha: tabiiy boyliklar bo‘yicha eng boy davlatlar
10:31