16:21 / 15.10.2016
11048

Kerri Suriya bo‘yicha muzokaralarga gitara bilan keldi

Foto: EPA

AQSh davlat kotibi Jon Kerri Shveytsariyaning Lozanna shahridagi "Bo-Rivaj" mehmonxonasiga yetib keldi. Bu shaharda Suriya inqirozi bo‘yicha ko‘p tomonlama muzokaralar bo‘lib o‘tadi. 

TASS agentligining xabar qilishicha, Kerri korteji mehmonxonaga yetib kelgach, uning yordamchilari mashina yukxonasidan rahbarlarining kostyumi va gitarasini xonaga olib chiqishgan. Davlat kotibi, aytish mumkinki, deyarli har doim xorijiy safarlariga musiqiy asbobi bilan birga boradi. 

Davlat kotibi shu yilning mart oyida Moskvaga qilgan safarida, musiqiy guruh a'zosi bo‘lganini aytgan edi. 

Kerrining so‘zlariga ko‘ra, u maktabda o‘quvchilik vaqtida, musiqa guruhi a'zosi bo‘lgan. YouTube saytida uning ishtirokidagi lavhalar saqlanib qolgani ehtimol. 

Top