Moskvada yo‘lovchi avtobusi yonib ketdi. Voqea Musa Jalil ko‘chasida yuz bergan, deb ma'lum qildi voqea guvohi "Moskva" agentligiga.
Guvohning aytishicha, yo‘nalish avtobusi "Shipilovskaya" metro stansiyasi yaqinida yonib ketgan. Favqulodda vaziyatlar vazirligi xodimlari va o‘t o‘chiruvchilar tezkorlik bilan olovni o‘chirishgan. Voqea oqibatida hech kim jabrlanmagan.
"Mosgortrans" matbuot xizmatida avtobusning xizmat ko‘rsatilmaydigan qismida elektr sim yonib ketgani ma'lum qilingan. Haydovchi zudlik bilan yo‘lovchilarni avtobusdan tushirgan va salonda joylashgan o‘t o‘chirish tizimini harakatga keltirgan.
