Turkiyada Gulenga aloqador 10 ming davlat xizmatchisi iste'foga chiqarildi

Turkiyada 10 mingdan ortiq davlat xizmatchisi muxolifat islom voizi Fathulloh Gulenning tashkilotiga aloqadorlikda ayblanib, iste'foga chiqarildi. Bu haqida Anadolu nashri xabar berdi.

Manbaga ko‘ra, qarorda 10 131 nafar davlat xodimining iste'fosi haqida so‘z yuritilgan: 32 nafar parlament a'zosi, 183 nafar kassatsiya sudi xodimi, 2 534 kishi - mamlakat adliya vazirligidan, 102 kishi - TIVdan, shuningdek yana 101 nafar kishi - Turk qurolli kuchlaridan. 

Xuddi shu qaror asosida yana 15 OAVning yopilishi to‘g‘risida ma'lum qilingan. Dicle yangiliklar agentligi, ko‘plab gazetalar va jurnallar shular jumlasidandir, ular Kurdiston ishchilar partiyasi g‘oyalari targ‘ibotida ayblanmoqda.