Rossiya chempionatida videotakrorlar tizimi paydo bo‘lishi mumkin

Rossiya futbol premer-ligasi prezidenti Sergey Pryadkin keyingi mavsumdan ligada videotakrorlar tizimi kiritilishi mumkinligini aytdi.

"Videogol" tizimi – global mavzu. Biz uni premer-liga, liga strategiyasi bo‘yicha qo‘mita yig‘ilishlarida muhokama qilganmiz. Yangi texnologiyalar bilan bog‘liq savol va takliflar bisyor. Hatto ko‘pchilik tomonidan qo‘llab-quvvatlanayotgan shunday taklif bor, ya'nikim bir uchrashuv davomida har bir jamoa uchun 2-3 ta videotakror imkoniyatiga yo‘l qo‘yish. Bu o‘yin dinamikasini buzmaydi. Bundan tashqari, gap juda "nozik" deb ataluvchi vaziyatlar, avvalambor, darvozaning ishg‘ol qilinishi, qizil kartochka ko‘rsatilishi, yaqqol "o‘yindan tashqari holat" kabilar haqida ketmoqda. Biz buni asoslab beramiz va Rossiya futbol ittifoqi bilan birga buni ijroiya qo‘mita muhokamasiga olib chiqamiz. U yerda bu zarur deb topilsa, videotakror tizimini kiritish qarorini qabul qilamiz.       

Gap bu mavsum emas, keyingi mavsum haqida ketmoqda. Premer-liga klublarida videotakror imkoniyati paydo bo‘lishi mumkin. Albatta, bu qaror faqatgina RFI roziligi bilan qabul qilinishi mumkin", deb Pryadkin aytgan so‘zlarni "Sport-Ekspress" nashri keltirib o‘tdi.