Microsoft'da korporativ messenjer ish boshladi

Microsoft kompaniyasi biznes uchun Microsoft Teams messenjerini yaratdi. Bu haqda Microsoft Office blogida ma'lum qilindi.

Yangi messenjer Microsoft Office 365 paketining bir qismi bo‘ladi. Bundan tashqari, messenjer Skype bilan uyg‘unlashtiriladi. Dasturga Gif-animatsiya, emodzi, stikerlar va o‘z memlarini yaratish imkoniyati kiritilgan.

Slack korporativ messenjeri Microsoft’ning yangi dasturini o‘zining ilk munosib raqobatchisi deb qabul qildi. Slack yaratuvchilari o‘z bloglarida Microsoft’ga bir nechta tavsiyalar berib, o‘zlari hech qayerga ketish niyatida emasliklarini aytishgan.