Trampning o‘g‘li saylov jarayonida Nyu-York shtati qonunini buzdi

AQSh prezidenti lavozimiga nomzod Donald Trampning o‘g‘li Erik Tramp internetda prezidentlik saylovlarining o‘ziga tegishli ovoz berish byulleteni suratini joylashtirdi. U shu tariqa bunday suratlarni ijtimoiy tarmoqlarda joylashtirishni taqiqlovchi Nyu-York shtati saylov huquqini buzdi va endi katta jarimaga tortilishi mumkin.

Erik Tramp o‘z ovozini otasiga berganini ko‘rish mumkin bo‘lgan surat tvitterda joylashtirildi. U bu suratga "O‘z otangga ovoz berish naqadar sharaflidir! U AQSh uchun juda katta ishni qildi", deb izoh qoldirdi.

Biroq keyinroq Erik suratni o‘chirib tashlagan, biroq surat internetda tarqalib ulgurgan, deb yozmoqda The Hill nashri.