BMT bosh kotibi Trampni g‘alaba bilan tabrikladi

BMT bosh kotibi Pan Gi Mun Donald Trampni AQSh prezidentligi saylovlaridagi g‘alaba bilan tabrikladi. Bu haqda TASS axborot agentligi xabar bermoqda.

"Men janob Donald Trampni AQShning 45-prezidenti bo‘lgani bilan tabriklayman", deb aytdi Pan Gi Mun. Uning aytishicha, BMTda AQShning yangi ma'muriyati iqlimni o‘zgartirish, inson huquqlari mustahkamlanishi va dunyodagi ijtimoiy-iqtisodiy taraqqiyot masalalari bo‘yicha xalqaro hamkorlikni kuchaytirishiga umid qilinmoqda. 

"Zamonaviy muammolar kelishilgan global harakatlar va birgalikdagi yechimlarni talab qiladi. BMTga asos solgan davlatlardan biri va BMT Xavfsizlik kengashi doimiy a'zosi bo‘lgan AQSh xalqaro sahnada muhim ishtirokchi hisoblanadi", deb aytib o‘tdi BMT bosh kotibi. 

BMT bosh kotibi shuningdek Xillari Klintonga "tinchlik, ayollar huquqini ilgari surish va bolalar farovonligi g‘oyalariga" sodiqligi uchun minnatdorchilik bildirdi.