WSJ nashri AQSh davlat kotibi lavozimiga asosiy nomzodlarni ma'lum qildi

Nyu-Yorkning sobiq meri Rudolf Juliani va AQShning BMTdagi sobiq doimiy vakili Jon Bolton Donald Tramp ma'muriyatida AQSh davlat kotibi lavozimini egallashi mumkin bo‘lgan asosiy nomzodlar hisoblanadi, deb yozmoqda The Wall Street Journal nashri.

Nashrning ta'kidlashicha, milliarderning maslahatchilari Juliani va Bolton nomzodlarini asosiy nomzodlar sifatida qaramoqdalar, biroq bu masala bo‘yicha yakuniy qaror yaqin haftalarda qabul qilinishi mumkin.

Ta'kidlanishicha, Juliani  Trampning ko‘p yillik qadrdoni va uning yaqin yordamchisi hisoblanadi. Bolton esa konservatorchi diplomat bo‘lib, "o‘z vaqtida AQShni Eronga bomba tashlashga chaqirgandi".