Facebook Britaniyadagi xodimlari sonini 50 foizga oshiradi

Amerikaning Facebook kompaniyasi Buyuk Britaniyadagi xodimlari sonini 2017 yilda 50 foizga oshiradi. Bu haqda mahalliy nashrlar xabar bermoqda.

Ijtimoiy tarmoq keyingi yil Londonda o‘zining yangi shtab-kvartirasini ochadi. Kompaniya qo‘shimcha ravishda 500 xodimni ishga olishni mo‘ljallayapti. Ular safida muhandislar va savdo bo‘yicha mutaxassislar ham bor.

Ofis Londonning Fitsroviya tumanida joylashgan. Aksariyat yangi xodimlar aynan shu yerda faoliyat yuritishadi. Ma'lum qilinishicha, bu Facebook ijtimoiy tarmog‘ining AQShdan tashqaridagi eng yirik muhandislik bazasi bo‘ladi.