Xitoyda qurilayotgan elektrostansiyadagi minoraning qulashi oqibatida 22 kishi halok bo‘ldi

Xitoyning Tszyansi provinsiyasida qurilayotgan elektrostansiyadagi sovutish minorasining qulashi oqibatida 22 kishi halok bo‘ldi, ikki kishi yaralandi. Bu haqda 24 noyabr kuni mahalliy hukumat ma'lumotiga asoslanib, «Sinxua» agentligi xabar bermoqda.

Voqea mahalliy vaqt bilan 07:00da (Toshkent vaqti bilan 05:00) Fenchen shahar okrugida ro‘y berdi. Vayronalar tagida odamlar qolgan, degan taxmin bildirilmoqda. Voqea joyida qutqaruvchilar, o‘t o‘chirish xixmati xodimlari va shifokorlar ishlamoqda.
Falokat sababiga oydinlik kiritilmagan.