Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Пак Кин Хенинг баёноти Жанубий Корея фонд бозорларига ижобий таъсир қилди
14:37 / 29.11.2016
5687

Жанубий Корея фонд бозори президент Пак Кин Хенинг ўз лавозимидан кетишга тайёрлиги хусусида берган баёнотидан сўнг бирмунча ўсишга эришган. Хусусан, биржа маълумотларига кўра, мамлакатнинг асосий кўрсаткичи KOSPI индекси 0,2 фоизга кўтарилиб, 1982,08 пунктни ташкил этган. 

Корея республикаси президенти Пак Кин Хе сиёсий можаро туфайли 29 ноябрда халқига қилган мурожаатида мамлакат парламентидан унинг келажаги борасида қарор қабул қилишни, хусусан, унинг президентлик ваколатларини чеклаш борасида ўз хулосасини эълон қилишга чақирган. 

Жанубий Корея президенти атрофидаги сиёсий можарога мамлакат ОАВларида президентлик ҳокимияти амалда, Пак Кин Хенинг қоҳин дугонаси Цой Сун Силга тегишли экани тўғрисидаги хабарлар пайдо бўлганидан кейин бошланди. Унга кўра, гўёки Пак Кин Хе муҳим масалалар бўйича у билан маслаҳатлашган. 


Улашинг
Top