Shavkat Mirziyoyev Turkiyaga hamdardlik yo‘lladi

O‘zbekiston Respublikasining saylangan Prezidenti Shavkat Mirziyoyev 10 dekabr kuni Istanbul shahrida yuz bergan va ko‘plab insonlarning halok bo‘lishiga sabab bo‘lgan terrorchilik harakati munosabati bilan Turkiya Respublikasi Prezidenti Rajab Toyyib Erdo‘g‘anga va butun Turkiya xalqiga chuqur ta'ziya bildirdi.

O‘zbekiston TIV saytida keltirilishicha, Mirziyoyev o‘z maktubida halok bo‘lganlarning oila a'zolari va yaqinlariga samimiy hamdardlik so‘zlarini izhor qilgan.

Oxirgi ma'lumotlarga qaraganda, «Beshiktosh» futbol klubi stadioni yaqinida yuz bergan portlash qurbonlari soni 39 kishini tashkil etdi.