Moskva shahrining janubi-sharqida joylashgan savdo markazida xitoylik ishbilarmonning jasadi topildi. Rossiya Federatsiyasi Tergov Komissiyasi bosh boshqarmasining Moskva shahri vakili Yuliya Ivanovaning TASS agentligiga xabar berishicha, mazkur voqea yuzasidan tergov organlari tekshiruv ishlarini boshlab yuborishgan.
Ivanovaning so‘zlariga ko‘ra, kuni kecha Tixoretskiy bulvaridagi savdo markazidan xitoylik ishbilarmonning jasadi topilgan. Ishbilarmon bu yerdagi idorani ijaraga olgan bo‘lgan.
"Erkakning jasadi topilganidan keyin tergov oldi tekshiruvi boshlandi, sodir bo‘lgan voqea tafsilotlarini o‘rganishga yo‘naltirilgan tekshiruv tadbirlari o‘tkazilmoqda. Tekshiruv natijalariga ko‘ra, protsessual qaror qabul qilinadi", - dedi Ivanova.
Huquq-tartibot organlaridagi manba ma'lumotiga ko‘ra, gap Moskvada tadbirkorlik bilan shug‘ullangan XXR fuqarosi haqida ketmoqda.
