O‘zbekiston Prezidenti Shavkat Mirziyoyev Qirg‘iziston prezidenti Almazbek Atamboyev bilan uchrashuvda ikki xalq aholisi do‘stlashishi uchun harakat qilish kerakligini ta'kidladi.
"Biz nimaiki qilsak, aholimiz do‘stlashishi uchun qilishimiz kerak", – dedi Shavkat Mirziyoyev.
Eslatib o‘tamiz, bugun Almazbek Atamboyev Samarqandga tashrif buyurgan. Bu yerda davlat rahbarlari O‘zbekistonning birinchi Prezidenti Islom Karimov qabriga gul qo‘yishdi, shuningdek, "MAN Auto – Uzbekistan" qo‘shma korxonasiga tashrif buyurishdi.
