Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Amazon товарларни етказиб беришнинг инновацион усулини ўйлаб топди
15:31 / 29.12.2016
3973

Amazon компанияси товарларни сақлаш ва етказиб бериш тизимига патент аризасини топширди. Янги тизимда дирижабллар ва учувчисиз қурилмалар қўлланилади. Бу ҳақида патент хизматининг сайтида маълум қилинди.

Amazon дирижабллардан муайян ҳудудларга жўнатилувчи у ёки бу товарларни сақловчи омбор сифатида фойдаланмоқчи. Учувчисиз қурилмалар эса бевосита харидорларнинг ўзига маҳсулотни етказиб беради. Бундай тизим товар етказиб бериш вақтини кескин камайтиради. 

Декабрь ойи бошида Amazon биринчи марта учувчисиз қурилма ёрдамида харидорга товарни етказиб берди. Буюк Британияда яшовчи мижоз телевизион приставка ва поп-корн буюртма қилганди. Компанияда таъкидланишича, у буюртма расмийлаштирилгандан 13 дақиқа ўтиб товарни қўлга киритишга муваффақ бўлган. 


Улашинг
Top