Moskvada MMA jangchisi kaltaklab ketildi

Moskvaning janubida 3 noma'lum shaxs rossiyalik MMA (Mixed Martial Arts) jangchisi Rasul Mirzayevni kaltaklab, travmatik quroldan jarohat yetkazdi. Bu haqida TASS agentligi xabar berdi. 

"Bugun tungi soat 2:00 atrofida Vostochnyy ko‘chasida 3 nafar noma'lum shaxs Mirzayevga hujum qilgan. Ular sportchini kaltaklab, travmatik quroldan jarohatlashgan va qochib qolishgan. Jabrlanuvchi shifoxonaga yotqizilgan", - deya ma'lum qilindi shahar huquq-tartibot organida. 

2011 yilda Rasul Mirzayev ehtiyotsizlik tufayli odam o‘ldirganlikda ayblanib, 2 yilga ozodlikdan mahrum etilgan - shu tariqa uning sportdagi karerasi intihosiga yetgan. 2011 yilning avgustida Mirzayev Moskvadagi tungi klubga kiraverishda Ivan Agafonov ismli talabaga musht tushirgan. Talaba hushidan ketgancha o‘ziga kelolmay, bir necha kundan so‘ng hayotdan ko‘z yumgan.