«Tribuna» Boxing Day kunlarida tanaffussiz o‘ynayotgan ingliz klublari o‘yinlarini yoritishda davom etadi. 1 yanvar kuni 19-tur o‘yinlari o‘tkazilgan Angliyada 2 yanvar kuni 20-tur uchrashuvlari boshlanadi va 3 kun davomida muxlislar Angliya futbolidan bahra olishadi.
Quyida uchrashuvlar anonsi va prognozlar.
2 yanvar
17:25 «Midlsbro» — «Lester» — «Match TV»
«Midlsbro» o‘tgan turda «Old Trafford»da g‘alaba qozonishi mumkin bo‘lgandi, ammo buning uchun Valdesning mahorati va tajribasining o‘zigina kamlik qildi. «Midlsbro»ning hujum chizig‘i shu kuni ko‘ngildagidek o‘ynamadi. Amaldagi chempion «Lester»ning bu mavsumdagi o‘yinlari qovushmayapti. Qolaversa, bu jamoa bu mavsumda hali safar o‘yinlarida biron marta ham g‘alabaga erishmagan. Klaudio Raneri shogirdlariga bu safar ham qiyin bo‘lishi mumkin: «Midlsbro» o‘z uyida autsayderlarni faqat yengmoqda. Prognoz: 1:1.
19:55 «Manchester Siti» — «Byornli» — «Match TV»
Liverpuldagi uchrashuv shuni ko‘rsatdiki, «Manchester Siti»hali ham oqsoqlanishda davom etmoqda, Aguero safga qaytgani «shaharliklar» o‘yinini kuchaytirib qo‘ymagan. Lekin Pep Gvardola jamoasi yarim kuch bilan ham «Byornli»ni yenga olishi kerak: bu o‘yinda mehmonlar maydonning ikkinchi qismiga kam o‘tishadi va himoyalanish bilan mashg‘ul bo‘ladi. Lekin «Manchester Siti» bunday raqiblarga qarshi ko‘p o‘ynadi va g‘alaba qozondi. Qolaversa, «Byornli» bu mavsumda safar uchrashuvlarida atigi 1 ochko olgan. Prognoz: 2:0
19:55 «Sanderlend» — «Liverpul» — «Match! Futbol 1»
«Sanderlend» mag‘lubiyatga uchrashda davom etmoqda, Devid Moyyesni esa haydashmayapti. Ikkinchi davraning ilk uchrashuvida ham «qora mushuklar» turnir jadvalida ikkinchi o‘rinni egallab turgan «Liverpul»ga qarshi nimadir o‘ylab topishiga ishonish qiyin. Bu jamoalarning «Stedium of Layt» stadionida kechgan oxirgi uch uchrashuvi mersisaydliklar g‘alabasi bilan yakunlangan. Bu uchrashuvda ham Yurgen Klopp 2 oldin o‘yin o‘tkazgan futbolchilarini o‘ynatmasdan, rotatsiyalar amalga oshirgan taqdirda ham osonlik bilan 3 ochko olishi mumkin. Prognoz - 0:2.
19:55 «Everton» — «Sauthempton»
Boxing Day boshlanganida «Arsenal»ni yenggan «Everton» muvaffaqiyatlarini davom ettira olmadi: jamoa keyingi 2 turda bir ochko oldi. Ammo «Sauthempton»ga qarshi o‘yinda liverpulliklar favorit hisoblanishadi, bu jamoa raqibdan bir kun ko‘proq dam oldi (oxirgi uchrashuvini 30 dekabr kuni o‘tkazgan), Ronald Kuman esa sobiq jamoasini juda yaxshi biladi. «Sauthempton» keyingi vaqtlarda barqaror o‘ynay olmayapti, jamoa oxirgi 2 uchrashuvida kamchilik bo‘lib o‘ynadi va yutqazdi. Prognoz - 3:1.
