Pekinda ekologiya politsiyasi tashkil etildi

Pekin hukumati smogga qarshi kurashish maqsadida ekologiya politsiyasini tashkil etdi. Bu haqda 8 yanvar kuni The Telegraph xabar bermoqda.

Yangi tuzilmaning majburiyatlariga chiqindilarni, o‘tinlarni, shuningdek, turli biomateriallarni ruxsatsiz yoqish holatlarini aniqlash va tartibga olish kiradi. Bundan tashqari, ekologiya politsiyasi ochiq osmon ostida barbekyu tayyorlash holatlarining ham oldini oladi.

So‘nggi yillarda Xitoydagi ekologik vaziyat keskin yomonlashdi. Sanoat chiqindilarining konsentratsiyasi oqibatida shaharlar atmosferasi smog bilan qoplandi.