Novinite agentligining ma'lum qilishicha, qushlarning eng ko‘p miqdorda zararlanishi Plovdiv shahri yaqinida qayd qilingan. Zararlangan qushlarning asosiy qismi o‘rdaklar bo‘lib, bolgariyalik fermerlar oxirgi mahal bu parrandani ko‘proq yetishtira boshlaganlar.
Tanevaning aytishicha, kasallik avj olishining asosiy sababi parrandalar yetishtiriladigan fermalarda gigiyenik me'yorlarga amal qilmaslik hisoblanadi. Mamlakat hukumati muammoni hal qilish uchun 1 mln lev (540 ming dollar) ajratdi, biroq buning uchun 5 marta ko‘proq mablag‘ talab qilinishi mumkin.
Mutaxassislarning fikricha, epidemiya sababli tuxumlar narxi kamida 10 foizga oshib ketadi.
