Norvegiyada AQSh dengiz piyodalari joylashtiriladi

2017 yilda AQSh harbiy-dengiz kuchlarining 330 nafarga yaqin dengiz piyoda askarlari Norvegiyada joylashtiriladi. Bu haqda NRK davlat telekanali xabar qilmoqda.

Amerika harbiy dengizchilarining bu mamlakatda bo‘lishi qo‘shma mashg‘ulotlarda ishtirok etish va Norvegiya Qurolli kuchlari harbiy xizmatchilarini tayyorlash bilan cheklanadi. 

Harbiy dengizchilar 16 yanvarda Norvegiyaga yetib kelishadi va Tronxeym shahri yaqinidagi Vernes harbiy bazasida kamida bir yil qolishadi. 

Shu bilan birga, Rossiya TIV matbuot kotibi Mariya Zaxarova NRK telekanaliga bergan intervyusida Amerika dengiz piyoda qo‘shinlarining Norvegiyaga joylashtirilishiga fikrini bildirgan. 

Uning so‘zlariga ko‘ra, rasmiy Moskva bu borada tashvishlanmaydi, chunki RF va Norvegiya o‘rtasida hech qanday muammo mavjud emas.