Foto: 401kcalculator.org
Buyuk Britaniya Yevropa mahsulotlar va xizmatlar yagona bozoridan chiqishni rejalashtirmoqda. Bu haqda mamlakat bosh vaziri Tereza Mey Brexit masalasiga bag‘ishlangan chiqishida aytib o‘tdi, deb xabar berdi Bloomberg.
Aniqlik kiritilishicha, London bu vaziyat yuz bersa, Yevropa Ittifoqi bilan hamkorlik talablarini “toza qog‘ozdan” muhokama qilishni boshlaydi. Shu tariqa, mamlakat savdo blokidan “qisman chiqish, qisman qolish” g‘oyasidan voz kechishi mumkin.
Brexit bo‘yicha reja ma'lum qilinishini kutish jarayonida Britaniya funtining dollarga nisbatan kursi dushanba kuni 1,20 AQSh dollari darajasidan pastga tushib ketdi.
