Tramp yanvar oxirida Meksika prezidenti bilan uchrashadi 

AQSh prezidenti Donald Tramp Meksika prezidenti Enrike Penya Neto bilan 31 yanvarda uchrashadi, deb ma'lum qildi Oq uy matbuot kotibi Shon Spayser.

Uning aytishicha, Meksika prezidentining Vashingtonga tashrifi "savdo, immigratsiya va xavfsizlik" masalalariga bag‘ishlanadi.   

Tramp saylovoldi kampaniyasi davomida noqonuniy migratsiyadan himoyalanish uchun Meksika bilan chegarada devor qurishga va'da berib, bahs va tanqidlarga sabab bo‘lgandi. U shuningdek, Shimoliy Amerika erkin savdo hududi (NAFTA) haqidagi kelishuvni qayta ko‘rib chiqib, zarur bo‘lsa undan chiqishini aytgandi. NAFTA kelishuvi bekor qilinadigan bo‘lsa, eksport bojlari o‘sishi sababli Meksikaga ko‘p milliardlik ziyonlar yetadi.