"O‘zbekiston temir yo‘llari" AJ turli mish-mishlarga raddiya berdi

O‘zbekiston Respublikasi "O‘zbekiston temir yo‘llari" aksiyadorlik jamiyati matbuot xizmati Toshkent-Andijon-Toshkent yo‘nalishi bo‘yicha yo‘lovchi poyezdi qatnoviga doir turli mish-mishlarga qarshi raddiyasini e'lon qildi. Bu haqda AJ saytida xabar qilingan. Unda shunday deyiladi:

Hurmatli yo‘lovchilar, harakat xavfsizligini ta'minlash maqsadida 23 yanvar kuni texnik ko‘rik ishlarini o‘tkazish sabablariga ko‘ra, Toshkent-Andijon-Toshkent yo‘nalishida qatnovchi 61/62, 60/59–sonli yo‘lovchi poyezdlari harakati vaqtincha to‘xtatildi.

Ushbu jarayonga oid tarqatilayotgan turli xil asossiz xabarlarga e'tibor qaratmasligingizni so‘raymiz!