Video: Ostonadagi vokzalda metall soyabon quladi

Qozog‘iston poytaxti Ostona shahridagi temir yo‘l vokzali perroniga metall soyabon qulab tushdi, deb xabar berdi Sputnik Qozog‘iston.

"Metall soyabon Ostonada 25 yanvar, chorshanba kuni poyezdga qulagan. Hozircha hodisa oqibatida jabrlanganlar haqida ma'lumotlar yo‘q", - deyiladi xabarda.

Agentlik shuningdek guvohlar tomonidan tasvirga olingan videoni ham taqdim etdi. Unda metall konstruksiyaning bir qismi yerda yotganini ko‘rish mumkin. Ma'lumotlarga ko‘ra, voqea joyiga “Qozog‘iston temir yo‘llari” AJ rahbariyati yetib kelgan, ular hodisaga nima sabab bo‘lganini aniqlamoqda.