“Toshshahartransxizmat” kompaniyasi joriy yilda jamoat transporti yo‘lkira haqini oshirish rejalashtirmayapti, deb xabar berdi aksiyadorlik kompaniya boshqaruv raisi Otabek Sodiqov. Bu haqda “Sputnik” ma'lum qildi.
Uning so‘zlariga ko‘ra, kompaniya faoliyati samaradorligini oshirish, xarajatlarni optimizatsiya qilish natijasida narxlar oldingi darajada qoldirilgan.
“Soliqlar va yonilg‘i narxi oshishiga qaramasdan, biz bugungi kunda joriy yilda yo‘lkira haqini oshirish rejalari yo‘qligini aytishimiz mumkin”, - deb ta'kidlab o‘tdi Sodiqov.
Ma'lumot uchun, Toshkent jamoat transportida yo‘lkira haqi o‘tgan yilning 1 aprel kuni oshirilgandi. O‘shanda narxlar 20 foizga oshgan. Odatda, poytaxt ma'muriyati jamoat transporti yo‘l haqini 1 apreldan oshiradi. Shu bilan bir qatorda, 2015 yilda narxlar oshirilmagan edi.
Yaqin yillar davomida esa poytaxt jamoat transporti tizimi jiddiy ravishda o‘zgartirilishi belgilangan. Shu tariqa, Toshkentda 80ta yangi yo‘nalish tashkil qilish va samarasiz yo‘nalishlarni o‘zgartirish rejalashtirilgan.
