Xavfsizlik, millatlaro totuvlik, o‘zaro manfaatli va amaliy tashqi siyosat sohasidagi ustuvor yo‘nalishlar belgilandi

Mazkur yo‘nalish bo‘yicha ustuvor vazifalar belgilangani ma'lum qilindi:

- diniy bag‘rikenglik va millatlararo totuvlikni ta'minlash;
- chuqur o‘ylangan, o‘zaro manfaatli va amaliy tashqi siyosat olib borish;
- davlat mustaqilligi va suverenitetini mustahkamlash;
- O‘zbekiston tevaragida xavfsizlik, barqarorlik va ahil qo‘shnichilik mintaqasini vujudga keltirish;
- mamlakatning xalqaro nufuzini mustahkamlash.

Harakatlar strategiyasi loyihasiga bag‘ishlangan mediahaftalik 23 yanvardan 27 yanvarga qadar davom etdi. Tadbirning asosiy maqsadi - Harakatlar strategiyasi loyihalari bilan aholini yaqindan tanishtirish, bu borada ularni qiziqtirgan savollarga javob berish, mutaxassislar va keng jamoatchilik fikr-mulohazalari, taklif va izohlarni o‘rganish bo‘ldi.