Dunyodagi birinchi spa-vagon aprel oyida yo‘lga chiqadi

Dunyodagi birinchi ixtisoslashtirilgan Belmond Royal Scotsman poyezdi tarkibidagi Bamford Haybarn Spa spa-vagoni Shotlandiya bo‘ylab aprel oyida qatnay boshlaydi. Bu haqda Belmond turistik kompaniyasining matbuot relizida xabar berildi.

Bamford Haybarn Spa spa-zonasida ikkita kabinet bo‘ladi. Xususan, muolajalar yoganing nafas olish amaliyoti va yaponlarning shiatsu – issiq toshlar yordamidagi uqalashidan iborat.

Belmond Royal Scotsman sayohatchilarni Shotlandiyadagi davomiyligi ikki-yetti sutka bo‘lgan turli yo‘nalishlar bo‘yicha olib yuradi. U joriy yilda aprel oyidan oktabr oyi oxiriga qadar qatnaydi.

Ma'lumot uchun, Britaniyaning Belmond kompaniyasi Birlashgan Qirollik, Yevropaning boshqa davlatlari, shuningdek, Osiyo va Janubiy Amerika bo‘ylab temir yo‘l qatnovlarini tashkillashtiradi.

Firma noyabrda London chekkasida yashovchi hamda Angliya poytaxtiga ishlash uchun boruvchilarga oddiy elektrichka o‘rniga qimmatbaho vagonlardan iborat poyezdni taqdim etdi.